ओडिसा । विनासकारी आँधि फानीका कारण शुक्रबार भारतको ओडिसा राज्य नराम्रोसँग प्रभावित भयो । त्यति मात्र होइन, तटीय क्षेत्रमा आएको तुफानी आँधिले भारत, बंगलादेश र नेपालमा समेत प्रभाव देखियो ।
तिब्र गतिमा आएको आँधिकै कारण ठूलो वर्षा पनि भयो । यस आँधिको केन्द्र चेन्नईबाट ८१० किलोमिटर दक्षिणपूर्वी इलाका भएको बताइएको छ ।
आँधिले भारतको ओडिसासहित कोलकत्ता पनि नराम्रोसँग प्रभावित भयो ।
यसैबीच भारतको भुवनेश्वरमा एक महिलाले फानी आँधि आइरहेकै समयमा एक बच्चीको जन्म दिइन् । परिवारले उनको नाम फानी राखेको भारतीय संचारमाध्यमहरुले उल्लेख गरेका छन् ।
३२ वर्षिय ती महिलाले रेल्वे हस्पिटलमा ती बच्चीलाइ जन्म दिएकी थिइन् । उनी रेल्वेकै कर्मचारी भएको बताइएको छ ।
एजेन्सी
