काठमाडौं, ४ असोज । नेपालमा पछिल्लो २४ घण्टामा थप १३ सय २५ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको ९ हजार ५ सय ८४ जनाको पीसीआर परीक्षणमा थप १३२५ जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुनेको संख्या ६४ हजार १ सय २२ पुगेको छ ।
पछिल्लो २४ घन्टामा थप ९६६ जना कोरोना संक्रमणमुक्त भएका छन्। योसहित नेपालमा हालसम्म ४६हजार २ सय ३३ जना उपचारपछि निको भएका छन्।
हाल देशभर १७ हजार ४७८ जना सक्रिय संक्रमित छन्।
