काठमाडौं, २१ पुस । नेपालमा थप ५२२ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ५२२ जनामा कोरोना संक्रमण पुष्टि भएको हो ।
योसँगै कोरोना संक्रमितको संख्या २ लाख ६२ हजार ७ सय ८४ पुगेको छ ।
स्वास्थ्य मन्त्रालयका अनुसार ५ सय ७८ जना कोरोनालाई जितेर अस्पतालबाट डिस्चार्ज भएका छन् ।
यो सँगै अहिलेसम्म २ लाख ५५ हजार ६ सय ६६ जना संक्रमणमुक्त भएका छन् । संक्रिय संक्रमितको संख्या ५ हजार २ सय ७५ जना रहेको छ ।
