काठमाडौं । स्पेनि ला लिगामा आज बार्सिलोना एथ्लेटिको बिल्बाओसंग भिड्दै छ ।
नेपाली समय अनुसार रातको १ः४५ बाट सुरु हुने खेल बिल्बाओको घरेलु मैदानमा हुँदै छ ।
ला लिगामा अहिलेसम्म १६ खेल खेलिसकेको बार्सिलोना ८ खेलमा जित ४ खेलमा बराबरी र ४ खेल पराजित हुँदै २८ अंकसहित तालिकाको ५ औं स्थानमा छ ।
यता अहिलेसम्म १७ खेल खेलिसकेको बिल्बाओ भने ६ खेलमा जित ३ खेलमा बराबरी र ८ खेलमा पराजित हुँदै २१ अंकसहित अंक तालिकाको ९ औं स्थानमा छ ।
