काठमाडौं, १७ फागुन । पछिल्लो २४ घण्टामा नेपालमा थप ७३ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयको अनुसार विभिन्न प्रयोगशालामा गरिएको परीक्षणमा थप ७३ जनामा कोरोना संक्रमण पुष्टि भएको हो ।
यो सँगै कोरोना संक्रमितको संख्या २ लाख ७४ हजार २१६ जना पुगेको छ । स्वास्थ्य मन्त्रालयका अनुसार ६४ जना कोरोनालाई जितेर अस्पतालबाट डिस्चार्ज भएका छन् ।
यो सँगै नेपालमा निको हुनेको संख्या २ लाख ७० हजार ४७१ जना पुगेको मन्त्रालयले जनाएको छ । संक्रिय संक्रमितको संख्या ९६८ जना रहेका छन् । पछिल्लो २४ घण्टामा ३ जनाको कोरोना संक्रमणबाट मृत्यु भएको छ । यो सहित मृतकको संख्या २७७७ पुगेको छ ।
