काठमाडौं, ३२ साउन । पछिल्लो २४ घण्टामा देशभर ३४५१ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभर गरिएको १० हजार ९३ पीसीआर परीक्षणका क्रममा २५६६ र ५५१८ एन्टीजेन परीक्षणका क्रममा ८८५ जना गरी ३४५१ जनामा कोरोना पुष्टी भएको हो ।
योसँगै नेपालमा कोरोना संक्रमितको संख्या ७ लाख ३४ हजार ८३८ पुगेको छ ।
पछिल्लो २४ घण्टामा २५५८ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ८५ हजार १४० जना पुगेको छ । संक्रिय संक्रमितको संख्या ३९ हजार ३७१ रहेको छ ।
पछिल्लो २४ घण्टामा ३३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार २९८ पुगेको छ ।
