काठमाडौं, ३१ भदौ । एड्भेन्चर ह्विल्सले पोखरामा नयाँ मोटरसाइकल रेभिट २५० सार्वजनिक गरेको छ ।
रेभिट ब्रान्डको सो मोटरसाइकलको मूल्य ५ लाख रुपैयाँ भए पनि हाल चाडपर्व अफरको रुपमा ५० हजार रुपैयाँ छुट उपलब्ध हुने बताईएको छ ।
मोटरसाइकलमा ३ वर्ष सम्मको वारेन्टी उपलब्ध भएको कम्पनीको भनाइ छ ।
यस्ता छ विशेषता
मोटरसाइकलमा २५० सीसीको इन्जिन छ, जसले २५ बीएचपी पावर र २२.५ एनएम टर्क जेनेरेट गर्छ । १०.५ लिटरको इन्धन ट्यांकी भएको यो मोटरसाइकलले ३० देखि ३५ किलोमिटर सम्मको माइलेज दिने बताइएको छ ।
मोटार्ड र डर्ट गरी दुई टायर अप्सनमा उपलब्ध सो मोटरसाइकल रेड र ह्वाइट गरी दुई कलर अप्सनमा उपलब्ध हुनेछ ।
