काठमाडौं, १३ असोज । जीवन बीमा व्यवसाय गर्दै आएका बीमा कम्पनीहरुले विभिन्न शीर्षकमा बीमा गराउँदै आएका छन् ।
नेपालमा हाल सञ्चालनमा रहेका १९ वटा जीवन बीमा कम्पनीहरुले आ-आफ्ना भिन्नै खालका बीमा योजनाहरु बिक्री गर्दै आईरहेका छन् ।
चालू आर्थिक वर्षको पहिलो दुई महिनामा २८ अर्ब रुपैयाँ बढी बीमाशुल्क संकलन गरेका छन् । उनीहरुले आर्थिक वर्ष २०७८/ ७९ को भदौ मसान्तसम्ममा कूल २८ अर्ब १४ करोड रुपैयाँ बराबरको प्रिमियम उठाएका हुन् ।
बीमा कम्पनीले गत साउन र भदौमा कूल ८७ लाख ९६ हजार ८८ वटा बीमालेख जारी गरी सो मात्राको बीमाशुल्क उठाएका हुन् ।
सबैभन्दा धेरै नेपाल लाइफ इन्स्योरेन्स कम्पनीले आर्जन गरेको छ । नेपाल लाइफले ७ अर्ब ६२ करोड रुपैयाँ बीमा शुल्क आर्जन गर्न सफल भएको छ ।
राष्ट्रिय बीमा संस्थानले ४ अर्ब ३४ करोड रुपैयाँ, यूनियन लाइफले १ अर्ब ३५ करोड रुपैयाँ, एशियन लाइफले १अर्ब ४५ करोड रुपैयाँ, मेट लाइफले ९३ करोड रुपैयाँ आर्जन गरेको छ ।
त्यस्तै, यस अवधिमा नेशनल लाइफ इन्स्योरेन्स कम्पनीले २ अर्ब ४१ करोड रुपैयाँ बीमाशुल्क आर्जन गर्न सफल भएको छ भने ज्योति लाइफको ५५ करोड रुपैयाँ, रिलायबल नेपाल लाइफले ६६ करोड रुपैयाँ बीमाशुल्क आर्जन गर्न सफल भएको छ ।
यस्तै, रिलायन्स लाइफले ५१ करोड रुपैयाँ, आइएमई लाइफले ५९ करोड रुपैयाँ, सन नेपाल लाइफको ६० करोड रुपैयाँ, सानिमा लाइफले ३२ करोड रुपैयाँ, प्रभु लाइफले ४५ करोड रुपैयाँ र महालक्ष्मी लाइफले २० करोड रुपैयाँ बीमाशुल्क आर्जन गरेको बीमा समितिको तथ्यांकमा उल्लेख छ ।
सूर्या लाइफले ८३ करोड रुपैयाँ, प्राइम लाइफले ७८ करोड रुपैयाँ, गुराँस लाइफले ६४ करोड रुपैयाँ र सिटिजन लाइफले ९६ करोड रुपैयाँ बीमाशुल्क आर्जन गर्न सफल भएका छन् ।
