काठमाडौं, ५ कात्तिक । आन्तरिक क्षेत्रको उडान गर्दै आएको यती एयरलाइन्सले अन्तर्राष्ट्रिय चार्टर्ड उडानको अनुमति (एनओसी) पाएको छ ।
बिहीबार नेपाल नागरिक उडड्यन प्राधिकरणबाट एओसी पाएको कम्पनीका उडान सुरक्षा प्रमुख एवं प्रवक्ता सुदर्शन बर्तौलाले जानकारी दिए।
एनओसी पाएलगत्तै एटिआर ७२ सिरीजको जहाजमार्फत भारत, म्यानमार, बंगलादेश, भुटान र श्रीलंका, थाइल्याण्ड लगायत दक्षिण एसियाका विभिन्न मुलुकमा चार्टर उडान गर्ने तयारी भएको बर्तौलाले बताए ।
अन्तर्राष्ट्रिय उडानका लागि हाम्रो आन्तरिक तयारी पूरा भएको छ, यो संगै हामी जुनसुकै समयमा यी राष्ट्रहरुमा उडान गर्न सक्षम छौँ उनले भने ।
उनले अन्तर्राष्ट्रिय चार्टर उडानको अनुमति पाएसँगै कम्पनीले सन् २०२२ भित्रै चारवटा एटीआर–७२ जहाज थप्ने योजना रहेको जानकारी दिए ।
यतिले एओसी पाएसँगै नेपालबाट अन्तर्राष्ट्रिय उडानको अनुमति लिने वायुसेवा कम्पनीको संख्या पाँच पुगेको छ ।
आन्तरिक उडान गर्दै आएका निजी वायुसेवा कम्पनीमध्ये बुद्ध एयरले कोभिड सुरु हुन अघिसम्म काठमाडौं-बनारस नियमित उडान गर्दै आएको थियो ।
श्री एयरलाइन्सले चार्टर र कार्गोका लागि अन्तर्राष्ट्रिय उडान इजाजत पाइसकेको छ।
नेपालमा रहेका चिनियाँ र नेपाली लगानीको हिमालय र सरकारी कम्पनी नेपाल वायुसेवा निगमले अन्तर्राष्ट्रिय गन्तव्यमा उडान गरिरहेका छन्।
