काठमाडौं, ८ पुस । पछिल्लो २४ घण्टामा देशभर २९३ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ९ हजार ५१० जनाको पीसीआर परीक्षण गर्दा २४१ जना र २ हजार ११६ जनाको एन्टिजेन परीक्षण गर्दा ५२ गरी २९३ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ८ लाख २६ हजार ६६४ जना पुगेको छ ।
पछिल्लो २४ घण्टामा २६३ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ९ हजार ९२२ पुगेको छ । संक्रिय संक्रमितको संख्या ५ हजार १६१ रहेको छ ।
पछिल्लो २४ घण्टामा मृत्यु हुने संक्रमितको संख्या २ रहेको छ । नेपालमा कोरोना मृत्यु हुनेको संख्या ११ हजार ५८१ पुगेको छ ।
