काठमाडौं, १८ फागुन । नेपालमा पछिल्लो २४ घण्टामा १२७ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ४ हजार २७६ जनाको पीसीआर परीक्षण गर्दा १२३ जना र २ हजार २०२ जनाको एन्टिजेन परीक्षण गर्दा ४ गरी १२७ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ७७ हजार १९९ जना पुगेको छ ।
पछिल्लो २४ घण्टामा ३२१ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ५७ हजार ४८८ पुगेको छ । संक्रिय संक्रमितको संख्या ७ हजार ७७० रहेको छ ।
पछिल्लो २४ घण्टामा मृत्यु हुनेको संख्या ३ रहेको छ । नेपालमा कोरोना मृत्यु हुनेको संख्या ११ हजार ९४१ पुगेको छ ।
