काठमाडौं, १० जेठ । काठमाडौं महानगरपालिकामा मतगणना जारी छ। काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।
काठमाडौं महानगरपालिकामा मेयरमा दोस्रो स्थानमा रहेकी कांग्रेसकी सिर्जना सिंहले एमालेका केशव स्थापितलाई पछि पारेकी छन्। काठमाडौँको हालसम्म १ लाख ५० हजार ५ सय १६ मत गनिएको छ ।
महानगरपालिकाको मेयरमा स्वतन्त्र उम्मेदवार बालेन्द्र साहको अग्रता कायमै छ । ताजा मत परिणामअनुसार साहको मत ५० हजार नाघेको छ ।
साहले ५० हजार ३० मत पाएका छन् । नेपाली कांग्रेसकी उम्मेदवार सिर्जना सिंहले ३० हजार ७ सय ६७ मत पाएकी छिन् । सिंह साहभन्दा १९ हजार २ सय ६३ मतले पछाडि रहेकी छिन् ।
यस्तै, एमालेका केशव स्थापितले ३० हजार १५ मत पाएका छन् ।
तिखिझ्या: चुनाव चिन्ह लिएर उठेका स्वतन्त्र उम्मेदवार सुमन सायमिले ८ हजार ८ सय ३० मत हासिल गरेका छन्। उनको उम्मेदवारीको खासै चर्चा थिएन तर भित्री शहरमा उनले राम्रो मत बटुलेका छन्।
काठमाडौं महानगरमा अब ४० हजार मत गन्न बाँकी छ। कोर एरियामा सिंह र स्थापितले अपेक्षा गरिए अनुसारको मत ल्याउन सकेका छैन् । उनिहरुलाई लाई तिखिझ्यास् चुनाव चिन्ह लिएर उठेका स्वतन्त्र उम्मेदवार सुमन सायमीले झड्का दिएका छन् ।
१० बजेसम्मको अपडेट
