काठमाडौं, २६ जेठ । मनसुन सक्रिय भएसँगै देशभर वर्षा जारी छ । वर्षा जारी रहँदा देशभरका केही मुख्य तथा सहायक नदीमा बाढीको जोखिम बढेको छ ।
नेपालको पूर्वी भू-भागमा मनसुनी वायुको सामान्य प्रभाव र मध्य तथा पश्चिमी भू-भागमा स्थानीय वायुको तथा भारतको उत्तर प्रदेश र बिहारमा रहेको पूर्व-पश्चिमी न्यून चापीय रेखाको प्रभाव रहेको छ।
जसको प्रभावले देशभर बदली रहने र हल्कादेखि भारीसम्म वर्षाको सम्भावना रहेको मौसमविद्ले बताएका छन्।
आज दिउँसो प्रदेश १, मधेश प्रदेश, बागमती प्रदेश, गण्डकी प्रदेश र कर्णाली प्रदेशमा सामान्य देखि पूर्ण बदली रही बाँकी भू-भागमा आंशिकदेखि सामान्य बदली रहने मौसम पूर्वानुमान विभागले जनाएको छ।
काठमाडौं उपत्यका लगायत देशको विभिन्न ठाँउमा रातीदेखि मध्यम–भारी वर्षा भइरहेको छ । जसले गर्दा विभिन्न नदीरखोलामा बाढी आउने सम्भावना रहेको भन्दै होसियारी अपनाउन आह्वान गरेको छ।
बाढी पूर्वानुमान महाशाखाका अनुसार आज आज इलाम, झापा, मोरङ, सुनसरी, उदयपुर, ओखलढुङ्गा, काभ्रे, तनहुँ र स्याङजा क्षेत्रका केही ससाना खोला नदीमा अचानक बाढी आउनसक्छ ।
जेठ २६
आगामी ३ दिन प्रमुख नदीमा बहाव सतर्कता तह भन्दा तलै रहने; नदीतटिय क्षेत्रका कार्य सजगताको साथ गर्न सकिने। आज ईलाम, झापा, मोरङ, सुनसरी, उदयपुर, ओखलढुङ्गा, काभ्रेपलाञ्चोक, तनहुँ, स्याङजा र आसपास भई बहने केही स-साना नदीहरुमा आकस्मिक वहाव (Flash Flood) हुन सक्ने। pic.twitter.com/WZyzh7P2Ed— Nepal Flood Alert! नेपाल बाढी सूचना! (@DHM_FloodEWS) June 9, 2022
देशभरको मौसम बदली: यी प्रदेशमा हल्कादेखि भारी वर्षाको सम्भावना
