काठमाडौं, ३० असोज । सुनको मूल्य एकैदिन प्रतितोला १ हजार रुपैयाँले घटेको छ ।
सुनचाँदी व्यवसायी महासंघको अनुसार आइतबारको छापावाल सुनको मूल्य तोलामा ९३ हजार १ सय रुपैयाँ र तेजाबी सुनको मूल्य प्रतितोला ९२ हजार ६ सय रुपैयाँ छ ।
शुक्रबार छापावाल सुन प्रतितोला ९४ हजार एक सय रुपैयाँ र तेजाबी सुन प्रतितोला ९३ हजार छ सय रुपैयाँमा कारोबार भएको थियो।
यस्तै, आज सुनको मूल्य ह्वात्तै घटेको दिन चाँदीको मूल्य समेत घटेको छ ।
चाँदीको मूल्य प्रतितोला २५ रुपैयाँले घटेको हो । यससँगै, आज चाँदीको मूल्य प्रतितोला ११ सय ६० रुपैयाँ कायम छ । गत साताको शुक्रबार यसको मूल्य तोलामा ११ सय ८५ रुपैयाँ कायम थियो ।
