काठमाडौं । नेपाली कांग्रेसको संसदीय दलमा संस्थापनइतरबाट महामन्त्री गगन थापाले उम्मेदवारी दिने भएका छन्।
इतर समूहका सांसदहरुसहितको उक्त बैठकमा कोइरालाले सभापति शेरबहादुर देउवासँग दलको नेतामा भिड्न गगनको नाम प्रस्ताव गरेका हुन्।
संसदीय दलमा डा शेखर कोइरालाले समेत इच्छा देखाएपछि दुई नेताबीच सहमति जुटाउन बिहानबाटै होटल एम्बासडरमा बैठक बसेको थियो।
शेखरले नै गगनलाई उम्मेदवार प्रस्ताव छन्। । सहमति केहीबेरमा पत्रकार सम्मेलन गरी सार्वजनिक गरिँदै छ ।
संस्थापन पक्षबाट भने सभापति शेरबहादुर देउवा उम्मेदवार हुने पक्का भइसकेको छ । थापाले गत चुनावमै प्रचार प्रसारका क्रममा आफू प्रधानमन्त्रीको उम्मेदवार हुने बताएका थिए ।
कांग्रेसमा संस्थापनबाट सभापति शेरबहादुर देउवा छैटौँ पटक प्रधानमन्त्री हुने गरी दलको नेतामा उठ्न तयार भइसकेका छन्।
कांग्रेस संसदीय दलको नेता चयनका लागि बुधबार निर्वाचन हुँदैछ। उम्मेदवारहरुको मनोनयन दर्ताको समय भने मंगलबार दिउसोका लागि निर्धारण गरिएको छ।
