काठमाडौं । जनता समाजवादी पार्टी (जसपा) संसदीय दलका नेता सरोजकुमार यादव मधेस प्रदेशको मुख्यमन्त्रीमा नियुक्त भएका छन्।
बुधबार प्रदेश प्रमुख हरिशंकर मिश्रले संविधानको धारा १६८ को उपधारा २ बमोजिम यादवलाई मुख्यमन्त्रीमा नियुक्त गरिएको प्रमाणपत्र दिएका हुन्।
उनलाई नेकपा (एमाले), नेकपा (माओवादी केन्द्र), जनमत पार्टी, राष्ट्रिय प्रजातन्त्र पार्टी, नागरिक उन्मुक्ति पार्टी, नेपाल संघीय समाजवादी पार्टी र दुई स्वतन्त्रले यादवलाई समर्थन गरेका छन्।
१०७ सदस्यीय प्रदेश सभामा एमालेका २३, जसपाका १६, जनमतका १३, माओवादीका सात, लोकतान्त्रिक समाजवादीका नौ, नेकपा (एकीकृत समाजवादी)का सात, राष्ट्रिय प्रजातन्त्र पार्टी, नागरिक उन्मुक्ति पार्टी र नेपाल संघीय समाजवादी पार्टीका एक–एक र पाँच जना स्वतन्त्र सांसद छन्।
कांग्रेस, लोकतान्त्रिक समाजवादी पार्टी, नेकपा एकीकृत समाजवादी र तीन जना प्रदेशसभा सदस्यले भने यादवलाई समर्थन गरेका छैनन्। मुख्यमन्त्रीको सपथ २९ पुसमा हुनेछ।
