काठमाडौं । आईसीसी यू-१९ पुरुष विश्वकप एसिया छनोटमा नेपालले हङकङलाई ९ विकेटले पराजित गर्दै लगातार तेस्रो जित हासिल गरेको छ ।
हङकङले दिएको १२१ रनको लक्ष्य नेपालले २२.१ ओभरमा १ विकेट गुमाएर पूरा गर्यो । नेपालको जितमा आकाश त्रिपाठीले नटआउट ५८ रन र उत्तम थापा मगरले नटआउट ३९ रन जोडे। अर्जुन कुमाल १६ रनमा आउट भए।
यसअघि नेपालले पहिलो खेलमा सिंगापुरलाई ९६ रन र दोस्रो खेलमा कुवेतलाई २४३ रनले पराजित गरेको थियो।
नेपालले अब चौथो खेलमा फागुन १६ गते मलेसियासँग खेल्दा अन्तिम खेल आयोजक युएईसँग फागुन १८ गते खेल्ने तालिका छ।
