काठमाडौं । नेपाली राष्ट्रिय क्रिकेट टोलीले क्रिकेट विश्वकप लिग २ अन्तर्गतको खेलमा पीएनजीविरुद्ध टस हारेर फिल्डिङमा उत्रँदैछ।
नेपाली टोलीमा यूएईसँग खेलेको टोलीमा भन्दा एक परिवर्तन छ। गुलसन झाको स्थानमा भीम सार्कीले स्थान बनाएका छन्।
नेपाल र पीएनजी एकदिवसीय क्रिकेटमा सातपटक आमनेसामने हुँदा पाँच खेल नेपालले र दुई खेल पीएनजीले जितेको छ। बिहीवारको खेलमा यूएईसँग पराजय ब्यहोरेसँगै नेपाललाई शीर्ष तीनमा पर्नका लागि बाँकी ६ खेलमा शतप्रतिशत जित निकाल्नुपर्ने दबाब छ।
