काठमाडौं । नेपाल राष्ट्र बैंकले चालु आर्थिक वर्ष २०७९/८० को मौद्रिक नीतिको तेश्रो त्रैमासिक समीक्षाले केही खुकुलो नीति ल्याएपनि शेयर बजार भने ओरालो नै लागेको छ । साताको कारोबारको पहिलो दिन शेयर बजार मापक सूचक (नेप्से) १६.९६ अंकले घटेर १८२१.६४ बिन्दुमा झरेको हो ।
यसदिन ९० करोड ५ लाख ६३ हजार ८५६ रुपैयाँको २७ लाख ८८ हजार ८१५ कित्ता शेयर किनबेच भएको छ ।
आज १३ वटा उपसमूहको समूहगत सूचकमध्ये १२ वटाको ओरालो लागेको छ भने १ वटा बढेकोे छ ।
अघिल्लो दिनको तुलनामा कारोबार रकममा भने सुधार आएको छ । विहीवार ५७ करोड ८८ लाख ४१ हजार ५९३ रुपैयाँको बराबरको कारोबार भएको थियो ।
