काठमाडौं । नेकपा एमाले संसदीय दलका उपनेता सुवासचन्द्र नेम्वाङले पुशपतिनाथमा राखिएको जलप सुन कि पित्तल निक्र्यौल नगरेसम्म एमालेले सदन सञ्चालन हुन नदिने बताएका छन् ।
संसद बैठक अवरोध गरेको विषयमा संसदमा बोल्दै नेम्वाङले आफैं सरकारमा भएको बेला भ्रष्टाचारको छानविन गर्नुपर्ने,प्रतिपक्षले उठाएको सवालको जवाफ दिनु पर्नेमा उल्टै प्रतिपक्षीलाई लाञ्छना लगाउनु गैह्र जिम्मवारीपूर्ण काम भएको बताए ।
‘पशुपतिमा सुनको होइन पित्तलको जलाहारी राखिएको छ भनेर तत्कालिन प्रधानमन्त्री,प्रमुख प्रतिपक्षी दलका नेता केपी शर्मा ओलीलाई लगाएको आरोप निक्र्यौल नगरी सदन अगाडी बढ्न सक्दैन’ । सही भए कारबाही गरोस होइन भने यो आरोप लगाउने माननीयले माफी माग्नु पर्दछ र संसदको रेकर्डबाट हटाइयोस ।’
