काठमाडौं । मलेसियासँगको ५ खेलको टी-२० शृंखला नेपालले जितेको छ । पाँचौ तथा अन्तिम खेलमा मलेसियालाई ३ विकेटले हराउँदै नेपाले शृंखला ३-२ ले जितेको हो ।
निर्णायक खेलमा मलेसियाले दिएको १ सय १० रनको लक्ष्य नेपालले १९.२ ओभरमा ७ विकेटको क्षतिमा भेट्टायो । नेपालका लागि सीता राना मगरले ३७ बलमा सर्वाधिक ३४ रन बनाइन् ।
यस्तै, कप्तान रुबिना क्षेत्री बेल्बासेले २३ रनको योगदान दिइन् । अप्सरी बेगम १५ र ज्योति पाण्डे १३ रनमा अविजित रहे । मलेसियाका लागि ऐना हामिजाह हाशिमले सर्वाधिक २ विकेट लिए ।
