काठमाडौं । स्पानिस ला लिगाको उपाधि जितिसकेको बार्सिलोना सिजनको अन्तिम खेलमा सेल्टा भिगोसँग २-१ ले पराजित भएको छ ।
सेल्टा भिगोका लागि गाब्री भेइगाले दुवै गोल गरेका थिए भने बार्सिलोनाका लागि अन्सु फातिले एक गोल फर्काएका थिए ।
यो जितपछि सेल्टा भिगोले ३८ खेलमा ४३ अंकसहित १३औं स्थानमा रहेर यस सिजनको समाप्ति गरेको छ ।
त्यस्तै यस सिजनको ला लिगाको उपाधि जितेको बार्सिलोनाले भने ३८ खेलमा ८८ अंकसहित यो सिजन समाप्त गरेको छ ।
