काठमाडौं । कोशी प्रदेश प्रमुख परशुराम खापुङ्गले कोशी प्रदेश आर्थिक अध्यादेश २०८० र विनियोजन अध्यादेश २०८० जारी गरेका छन् ।
नेपालको संविधानको धारा २०२ को उपधारा (१) बमोजिम मन्त्रिपरिषद्को सिफारिसमा २ वटा अध्यादेश जारी गरिएको प्रदेश प्रमुखको कार्यालयले विज्ञप्ति निकालेर जनाएको छ ।
अध्यादेश जारी गरेसँगै अध्यादेशबाट बजेट ल्याउने बाटो खुला भएको छ । कोशी प्रदेशसभाको चालु बजेट अधिवेशन बुधबार राति १२ बजेदेखि लागू हुने गरी अन्त्य भइसकेको छ।
