काठमाडौं । एनआइसी एसिया बैंक लिमीटेड आजबाट २६ वर्षमा प्रवेश गरेको छ ।
बैंकले आफ्नो २६औं वार्षिकोत्समा सरोकारवालाहरूको पहिलो रोजाईको बैंक बन्ने संकल्पमा देशकै सहज, सबल, गतिशील, विश्वसनीय र उत्तरदायी बैंक बन्दै गएकोप्रति आभार प्रकट गरेको छ ।
यस्तै ‘बैंक पनि साथी पनि, राम्रो पनि हाम्रो पनि’ बन्न अतुलनीय योगदान दिने समस्त ग्राहकवर्ग, नियमनकारी निकाय, कर्मचारीहरूलगायत सम्पूर्ण सरोकारवालाहरूप्रति बैंकले आभार व्यक्त गरेको छ ।
त्यसैगरी बैंकले आगामी दिनहरूमा अझ विश्वस्तरीय, अत्याधुनिक, प्रविधिमैत्री, ग्राहकमैत्री तथा अनुकरणीय अनुभव सहितको बैंकिङ्ग सेवा एवं सुविधाहरु प्रदान गर्दै थप नयाँ उचाइ र आयाम थप्ने अठोट समेत व्यक्त गरेको छ ।
