काठमाडौं । एसिया कप क्रिकेटको समूह ‘ए’मा अहिले चिरपरिचित प्रतिद्वन्द्वी भारत र पाकिस्तानबीच आज खेल भइरहेको छ ।
यसैबीच, भारतका कप्तान रोहित शर्माले टस जितेर पहिले ब्याटिङ गर्ने निर्णय गरेका छन् ।
खेल सवा ३ बजेबाट श्रीलंकाको क्यान्डीस्थित पल्लेकेले क्रिकेट रंगशालामा शुरू हुँदैछ । एसिया कपको आयोजक पाकिस्तान भएपनि भारत नजाने भएपछि श्रीलंकामा खेल हुन लागेको हो ।
भारत र पाकिस्तानको क्रिकेट खेललाई दुवै देशले ठूलो प्रतिष्ठाको विषय बनाउँदै आएका छन् ।
