काठमाडौं । एनआइसी एशिया बैंकले गत आर्थिक वर्ष २०७९/८० को मुनाफाबाट लाभांश घोषणा गरेको छ ।
बैंक संचालक समितिको भदौ २८ गते बसेको बैठकले सेयरधनीलाई २९ प्रतिशत बोनस सेयर र कर प्रयोजनसहित १.५२ प्रतिशत नगद गरी कुल ३०.५२ प्रतिशत लाभांश दिने घोषणा गरेको हो ।
बैंकले दुई आर्थिक वर्षपछि सेयरधनीलाई लाभांश घोषणा गरेको हो । आव २०७६/७७ मा २० प्रतिशत लाभांश दिएको बैंकले त्यस यता नियामकीय प्रावधान पूरा गर्न नसक्दा लाभांश बाँड्न पाएको थिएन ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी साधरण सभाबाट पारित भएपछि सेयरधनीले पाउने छन् ।
हाल ११ अर्ब ५६ करोड चुक्ता पूँजी रहेको बैंकको बोनस वितरणपछि १४ अर्ब ९१ करोड पुग्ने छ ।
