काठमाडौं । शेयर बजारमा दोहोरो अंकले बढेको छ । साताको कारोबारको चौंथोदिन २०.६७ अंकले बढेर १८५०.३३ विन्दुमा पुगेको छ ।
यसदिन २९४ कम्पनीको १ अर्ब ८ करोड ७० लाख ९८ हजार ४९५ रुपैयाँ बढीको ४२ लाख १३ हजार २८५ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये सामूहिक लगानी कोष बाहेक अरु सबै उपसमूहको परिसूचक बढेको छ ।
आज सोनापुर सिमेन्टको सर्वाधिक किनबेच भएको छ । यसको पौने ११ करोड रुपैयाँको कारोबार भएको छ ।
दोहोरा अंकले बढेको बजारमा आज ३ कम्पनीको शेयर मूल्यमा पोजेटिभ सर्किट लागेको छ । बुद्धभूमि नेपालको शेयर मूल्य ठ्याक्कै १० प्रतिशतले बढेको छ भने पञ्चकन्या माइ र माथिल्लो मैलुङ खोलाका शेयरधनीले पनि करिब १० प्रतिशत कमाएका छन् ।
सयपत्री हाइड्रोपावरका शेयर धनीले सर्वाधिक ८.१५ प्रतिशत गुमाएका छन् ।
