काठमाडौं । त्रिभुवन अन्तर्राष्ट्रिय विमानस्थलबाट फेरि अवैध सुन बरामद भएको छ । शनिबार राति १२ः५ बजे फ्लाई दुबईबाट आएका एक जना विदेशी महिलाको साथबाट एक किलो ३०० ग्राम सुन बरामद भएको प्रहरीले जनाएको छ ।
पक्राउ पर्नेमा श्रीलंकन नागरिक कान्थामात्रे काभास्कर रहेकी छिन् । उनले ब्रा र अन्डरवेयरमा लुकाएर उक्त सुन ल्याएको पाइएको प्रहरीले जनाएको छ।
उनले धुलो बनाएर सुन लिएर आएकी थिइन्। कसका लागि उक्त सुन ल्याइएको हो भन्ने विषयमा अनुसन्धान अघि बढाइएको विमानस्थल प्रहरीले जनाएको छ।
