एजेन्सी । इन्डियन प्रिमियर लिग (आईपीएल) इतिहासकै सर्वाधिक मंहंगा खेलाडी अष्ट्रेलियाका तीव्र गतिका बलर मिचेल स्टार्कले पहिलो खेलमा खराब बलिङ गरेका छन् ।
शनिबार राति सम्पन्न खेलमा सनराइजर्स हैदराबादविरुद्ध स्टार्कले चार ओभरमा ५३ रन खर्चिदा विकेटविहीन बनेका हुन् ।
स्टार्कले गरेका २४ बल मध्य ८ डट, ३ चौका र ४ छक्का भेट्न पुगेका थिए । उनि इतिहासकै सर्वाधिक मूल्य साढे ३९ करोड रुपैयाँ (२४ करोड ७५ लाख भारु)मा कोलकाता नाइट राइडर्समा अनुबन्ध भएका थिए । २०१५ पछि आईपीएलमा फर्किएका स्टार्कको प्रदर्शन सम्झन लायक हुन सकेन ।
