काठमाडौं । नेपालकै सबैभन्दा ठूलो दमक भ्यू टावरमा आज पहिलो पटक सबै बत्ती बालिएको छ।
सरकारको डेढ अर्ब लगानीमा बनेको दमक भ्यू टावरमा विहीवार एकैपटक सबै बत्ती बालिएको हो । संरचना निर्माणतर्फ ९६ प्रतिशत भौतिक प्रगति भइसकेको छ । सञ्चालनमा भने आएको छैन् ।
सरकारले २०७६ सालमा एक अर्ब ३८ करोड रुपैयाँमा सक्ने गरी ठेक्का लगाएको यो टावरको लागत बढेर एक अर्ब ४५ करोड (भ्याट) बाहेक पुगेको आयोजनाले जनाएको छ । टावरको उचाइ १०० मिटर (धरहराभन्दा १० मिटर अग्लो) छ।
वाहृय तथा आन्तरिक पर्यटक आकर्षित गर्ने लक्ष्य राखेर दमक नगरपालिका-३ दापगाछीमा बनेको यो टावरमा पार्किङ, उद्यान, पार्क, बाल उद्यानसहितका संरचनासहित बनेको हो ।
