काठमाडौं । आर्थिक बर्ष २०८०/८१ मा नेपालमा २१अर्ब ८ करोड ८० लाख रुपैयाँ बराबरको बिजुली गाडी भित्रिएको छ । भन्सार विभागले सार्वजनिक गरेको पछिल्लो तथ्यांकले यस्तो देखाएको हो । सो अवको १० महिना भित्रिएको इभीबाट सरकारले ९ अर्ब ३६ करोड भन्दा बढी राजस्व प्राप्त गरेको छ ।
भन्सार विभागले हालै सार्वजनिक गरेको तथ्याङ्क अनुसार १० महिनाको अवधिमा सो मूल्य बराबरको कुल आठ हजार ४९७ गाडी भित्रिएका हुन् ।
कुन महिनामा कति आए ईभी
१० महिनाको अवधिमा पुसमा सबैभन्दा बढी १४२१ बिजुली गाडी आयात भएको थियो । त्यस्तै बैशाखमा १४०४ असोजमा १२ सय २७ ओटा इभि भित्रिएका तथ्यांकले देखाएको छ ।
बिजुली गाडीको आयात निरन्तर रुपमा उकालो लाग्दा सरकारले अर्धवार्षिक समीक्षा मार्फत कर बढाउने हल्ला चल्दा फागुनमा घटेको थियो ।
फागुनमा नेपालमा २७६ ओटा बिजुली गाडीमात्रै भित्रिएका थिए । तर करमा कुनै फेरबदल नभएपछि फेरी यसको आयातमा बृद्धि भएको देखिन्छ ।
साउन : ११०
भदौ : ७८८
असोज: १,२३७
कात्तिक:६५२
मंसिर:८९९
पुस:१,४२१
माघ: १,०५२
फागुन: २७६
चैत: ६५८
वैशाख: १४०४
