काठमाडौं। शुक्रबार सुनको मूल्यमा नयाँ रेकर्ड बनेको छ । आज सुनको भाउ तोलामै करिब डेढ लाख पुगेको छ ।
यसअघि साउन २ गते भाउ प्रतितोला १ लाख ४९ हजार ८ सय रुपैयाँको रेकर्ड बनाएको थियो । आज सुनको भाउ प्रतितोला १ लाख ४९ हजार ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
बिहीबर सुन तोलाको १ लाख ४९ हजार ४ सय रुपैयाँमा कारोबार भएको थियो। यता चाँदीको भाउ भने प्रतितोला १७९५ रुपैयाँ मा झरेको छ ।
