काठमाडौैं । एप्पलले आइफोन १६ सिरिज लन्च गरेको छ । ९ सेप्टेम्बरका दिन अमेरिकाको क्यालिफोर्नियास्थित एप्पल पार्कमा कम्पनीले एक विशेष समारोह आयोजना गरेको छ । जसमा १६ रिसिज सार्वजनिक गरेको हो ।
यस इभेन्टलाई एप्पलले इट्स ग्लोटाइम नाम दिएको छ । यसै इभेन्टमा एप्पलका नयाँ डिभाइसहरु समेत सार्वजनिक गरियो । यस इभेन्टमा वाच सिरिज १०, एयरपड्स ४, एप्पल वाच अल्ट्रा २, एयरपोड्स म्याक्सको समेत लन्च गरियो ।
यसै अवसरमा आइफोन १६ सार्वजनिक गरियो । यस अवसरमा आइफोनका कुल चार मोडल लन्च गरियो । जसमा आइफोन १६, १६ प्लस, आइफोन १६ प्रो र आइफोन प्रो म्याक्स रहेका छन् । आइफोन १६ मा निकै सुधार गरेको कम्पनीले जानकारी गराएको छ ।
