काठमाडौं । एनपीएलको फ्रेन्चाइज टिम चितवन राइनोजले चितवनका समर्थकहरूलाई चितवनदेखि काठमाडौंसम्म नि:शुल्क बस सेवाको व्यवस्था गर्ने भएको छ ।
चितवन राइनोजले आफ्नो खेल हुने दिनमा सो सेवा उपलब्ध गराउन लागेको हो । चितवनको खेल हुने दिन विहान ३ बजे प्रस्थान गर्ने गरी पाँचवटा बसको व्यवस्था मिलाइने छ ।
बस चितवनको चितवन मेडिकल कलेज (सीएमसी)बाट छुट्ने छ भने समर्थकहरूलाई टियू मैदानसम्म ल्याउने छ ।
यो सेवा लिनका लागि चितवनको खेलको टिकट काटिसकेको हुनुपर्ने बताइएको छ । राइनोजले सर्मथकका लागि खाजाको पनि व्यवस्था गरिने जनाइएको छ ।
