काठमाडौं । काठमाडौंमा जारी नेपाल प्रिमियर लिग -एनपीएल_मा आज लुम्बिनी लायन्स र जनकपुर बाेल्सट्स भिड्दैछन। लुम्बिनीले टस जितेर पहिले बलिङ रोजेको छ ।
टी-यू क्रिकेट मैदानमा जारी खेलमा कप्तान रोहित पौडेलले जनकपुर बोल्ट्सलाई ब्याटिङको निम्तो दिएका हुन् । अहिले जनकपुरले ब्याटिङ गर्दैछ ।
लुम्बिनी लायन्सको प्लेइङ-११ मा रोहित पौडेल आशुतोष घिरैया, अर्जुन साउद, टम मुर्स, सन्दीप जोरा, विवेक यादव, बेन कटिङ, साद विन जफर, रामोन सिमोण्ड्स, दुर्गेश गुप्ता, अभिषेक गौतम रहेका छन् ।
त्यस्तै जनकपुरकाे प्लेइङ-११ मा आसिफ शेख, अनिल शाह, लाहिरु मिलान्था, हर्श थाकर, जिम्मी नीशम, शुभ कंसाकार, मोहम्मद मोहसिन, हेमन्त धामी, किशोर महतो, ललित राजवंशी, शेर मल्ल रहेका छन् ।
