काठमाडौं । साताको पहिलो दिन आइतबार सेयर बजारमा उच्च गिरावट आएको छ। अघिल्लो काराेबारकाे दिन अर्थात बिहिबारकाे तुलनामा नेप्से परिसूचक ५३.०४ अंकले घटेको हो ।
सो गिरावटपछि नेप्से २६१६ अंकमा कायम भएको छ। आज नेप्से सँगै कारोबार रकम पनि बढेको छ। अघिल्लो दिन ४ अर्ब ५६ करोडको कारोबार भएकोमा आज ६ अर्ब ३२ करोडकाे मात्रै काराेबार भयाे।
कुल १३ कम्पनीको मूल्य बढ्दा २३० को घटेकाे छ । आज सबै सेक्टरका सूचक घटेका छन् । आइतबार बैंकिङ १.४७, विकास बैंक २.४२, फाइनान्स २.९९, होटल तथा पर्यटन २.२३, हाइड्रोपावर २.३३, लगानी २.०५, जीवन बीमा १.८५, उत्पादन तथा प्रशोधन १.४६, माइक्रोफाइनान्स २.३६, निर्जीवन बीमा २.०७, अन्य १.७४ र व्यापार २.८५ प्रतिशत घटेका हुन्।
यस दिन कुथेली बुखरी स्मल हाइड्रोपावरको मूल्य सबैभन्दा धेरै ८.७ प्रतिशत बढेकाे छ।
मिथिला लघुवित्तको मूल्य १० प्रतिशत घटेकाे छ। सयपत्री हाइड्रोपावरको ७.३४, उपकार लघुवित्तको ६.८७, अपरसोलु हाइड्रोको ६.८३, भूगोल इनर्जीको ६.८३ प्रतिशत मूल्य घटेकाे छ।
