काठमाडौं, १८ मंसिर । भारतका रक्षामन्त्री राजनाथ सिंहले सीमाको विषयमा आफ्ना देशबासीलाई चिन्ता नलिन आग्रह गरेका छन् ।
बुधबार लोकसभामा बोल्दै सीमाको विषयमा भारतीय सेना पूर्णरुपमा तयारी अवस्थामा रहेको जनाकारी गराउँदै सरकार पूर्णरुपमा जागरुक रहेको दाबी गरे ।
रक्षामन्त्री सिंहले भने, ‘म यस सदनलाई र सदनका माध्यमबाट देशबासीलाई विश्वस्त पार्न चाहन्छ’ कि सीमा सुरक्षाका विषयमा भारतीय सेना पूर्णरुपमा तयारी अवस्थामा छ ।
भारतीय सीमाको रक्षार्थ खटिएको सेना कुनै पनि किसिमको चुनौतीलाई सामना गर्न सक्षम छ । त्यसकारण चिन्ता लिनुपर्ने कुनै कारण छ ।’
लोकसभाको शून्य समयमा कांग्रेसका अधीर रञ्जन चौधरीले चिनियाँ सेनाका भारतीय क्षेत्रमा प्रवेश गरेको दाबी गरेका थिए । पाकिस्तानलाई पछाडिबाट सहयोग गरिरहेको चीनप्रति सधैं नरम व्यवहारमा किन भन्दै रक्षामन्त्री सिंहमाथि प्रश्न उठाएका थिए ।
