काठमाडौं । यो वर्षको माध्यमिक शिक्षा परीक्षा कक्षा १०(एसइई) परीक्षा आगामी चैत्र ६ गतेबाट सुरु हुँदैछ ।
यसैबिच राष्ट्रिय परिक्षा बोर्डको तथ्यांक अनुसार यो वर्ष सबैभन्दा थोरै विद्यार्थीले मनाङ जिल्लाबाट एसइई परिक्षा दिँदैछन् ।
बोर्डको तथ्यांक अनुसार यो वर्ष मनाङबाट एसइई परिक्षाको लागि ५० जना विद्यार्थीले फारम भरेका छन् ।
यसका साथै सबैभन्दा धेरै एसइई दिने विद्यार्थी काठमाडौं जिल्लामा रहेका छन् । काठमाडौंबाट यो वर्ष कुल ३६ हजारभन्दा धेरै विद्यार्थीले एसइईको लागि फारम भरेका छन् ।
चैत्र १७ गतेसम्म सञ्चालन हुने एसइई परिक्षाको लागि यो वर्ष देशभरबाट कुल ५ लाख १० हजार विद्यार्थीले फारम भरेका छन् ।
