काठमाडौं, ३ चैत । काठमाडौं उपत्यकामा ट्राफिक जामको समस्या बढ्दै गएको भन्दै शिक्षा, विज्ञान तथा प्रविधि मन्त्रालयले उपत्यकाका निजी विद्यालयलाई बिहान ९ बजेदेखि दिउँसो ३ बजेसम्म सञ्चालन गर्न प्रस्ताव गरेको छ।
अहिले उपत्यकाका सबैजसो निजी विद्यालय बिहान १० देखि दिउँसो ४ बजेसम्म सञ्चालन भैरहेका छन् ।
कार्यलय जाने तथा फर्किने समयमा विद्यार्थीलाई टाढाटाढाबाट बसमा ल्याउने, लैजाने गरेको कारण ट्राफिक व्यवस्थापन गर्न कठिन हुने गरेको ट्राफिक प्रहरीको भनाइ छ ।
