काठमाडौं, १० चैत । सोमबार छापावाल सुनको मूल्य प्रतितोला ५०० रुपैयाँ बढेको छ ।
आइतबार प्रतितोला ७६ हजार ५०० रुपैयाँमा कारोबार भएको छापावाल सुनको मूल्यमा सोमबार ५०० रुपैयाँ बढ्दै प्रतितोला ७७ हजार रुपैयाँ कायम भएको नेपाल सुनचाँदी व्यवसायी महासंघले बताएको छ ।
सोमबार तजावी सुनको मूल्य पनि प्रतितोला ५०० रुपैयाँले नै बढ्यो ।
आइतबार प्रतितोला ७६ हजार २०० रुपैयाँमा कारोबार भएको तेजावी सुनको मूल्यमा सोमबार ५०० रुपैयाँ बढ्दै प्रतितोला ७६ हजार ७०० रुपैयाँ कायम भएको महासंघले बताएको छ ।
आज चाँदीको मूल्य भने यथावत नै रह्यो । सोमबार चाँदीको मूल्य प्रतितोला ७ सय २० रुपैयाँ कायम भएको छ ।
