काठमाडौं । कतारबाट नेपाल फर्केका एक जना नेपालीमा कोरोना भएको पुष्टि भएसँगै संक्रमित महिलासँगै आएकाको खोजी गरिँदै छ ।
गत मंगलबार १९ वर्षीया एक युवती फ्रान्सबाट कतारको दोहा हुँदै गत चैत ४ गते नेपाल आएकी थिइन् । उनलाई कोरोना पोजेटिभ देखिएपछि उनको परिवारको परिवारका सदस्य क्वारेन्टाइनमा राखिएको छ ।
संक्रमित महिलाको शुक्रराज ट्रपिकल तथा सरुवा रोग अस्पतालको आइसोलेसन वार्डमा भर्ना गरेर उपचार भइरकेको छ ।
यसअघि आइतबार इपिडिमियोलोजी तथा रोग नियन्त्रण महाशाखाले गरेको पत्रकार सम्मेलनमा भने ६१२ जनालाई कोरोना परीक्षण गरेको तर, कसैलाई पनि कोरोना पोजेटिभ नदेखिएको बताएको थियो ।
गत मंगलबार नमुना संकलन गरिएको उनीलाई आइतबार पोजेटिभ देखिएको बताइएको छ ।
यसअघि माघ ९ गते चीनबाट आएका एक नेपालीमा पनि कोरोना देखिएको सरकारले पुष्टि गरेको थियो । उनलाई अहिले उपचारपछि निको भएको छ ।
