काठमाडौं, १२ जेठ । कोरोना संक्रमणबाट नेपालमा थप एक जनाको मृत्यु भएको छ । वीरगञ्जको नेशनल मेडिकल कलेजमा ४ गते बाराको करैयामाइ गाउँपालिका, ७ उम्जनकान ७० वर्षका वृद्धको ज्यान गएको थियो । उनमा कोरोना पुष्टि भएको छ ।
सोमबार एक जना कोरोना संक्रमण भएर मृत्यु भएको पुष्टि भएसँगै नेपालमा कोरोनाका कारण मृत्यु हुनेको संख्या चार पुगेको मन्त्रालयले जनाएको छ।
सोमबार मात्र रिपोर्ट आएको वृद्धको मृत्यु पछि अन्तेष्टि भइसकेको छ । उनको अन्तेष्टिमा मात्र ५० भन्दा बढी व्यक्ति सहभागी भएको खुलेको छ । यसअघि सिन्धुपाल्चोककी सुत्केरी महिलाको नेपालमा कोरोना संक्रमणबाट पहिलो पटक मृत्यु भएको थियो।
काभ्रेको धुलिखेल अस्पतालमा उनको जेठ १ गते उनको मृत्यु भएको थियो। यसपछि बाँकेको नरैनापुरमा क्वारेन्टाइनमा नै २५ वर्षीय युवाको मृत्यु भएको थियो भने बुटबलको क्रिमसन अस्पतालमा उचपार गर्दागर्दा गुल्मी मदानेका ४३ वर्षीय शिक्षकको मृत्यु भएको थियो।
