काठमाडौं, १७ जेठ । छिमेकी मुलुक भारतमा कोरोनाको संक्रमण तिब्र गतिमा बढीरहेको छ । शनिबार बिहासम्ममा भारतमा १ लाख ७३ हजार ४ सय ९१ जनामा संक्रमण पुष्टि भएको छ।
पछिल्लो अपडेट अनुसार २४ घण्टामा ७ हजार ९६४ जना संक्रमित पुष्टि भएको छ । यो भारतमा एकै दिन संक्रमण पुष्टि भएको अहिलेसम्म कै धेरै संख्या हो ।
भारत सर्वाधिक संक्रमण देखिएका देशको सूचीमा नवौं स्थानमा छ।
भारतभन्दा अघि क्रमशः जर्मनी, फ्रान्स, इटाली, स्पेन, बेलायत, रुस, ब्राजिल र अमेरिका छन्।
त्यस्तै २४ घण्टामा भारतमा २६५ जनाको मृत्यु भएको छ । योसँगै भारतमा कोरोनाबाट मृत्यु हुनेको संख्या कुल ४ हजार ९७१ पुगेको छ ।
भारतमा ८२ हजार ६ सय २७ जनाको संक्रमित शनिबार बिहानसम्म संक्रमणमुक्त भइसकेका छन्।
