काठमाडौं, ११ असोज । नेपालमा पछिल्लो २४ घण्टामा थप १५७३ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको १० हजार १ सय २३ जनाको पीसीआर परीक्षणमा थप १५७३ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या ७३ हजार ३९४ पुगेको मन्त्रालयले बताएको छ ।
पछिल्लो २४ घन्टामा थप ८८५ जना कोरोना संक्रमणमुक्त भएका छन्। हालसम्म ५३ हजार ८ सय ९५ जना निको भएको मन्त्रालयले जानकारी दिएको छ।
हाल देशभर १९ हजार १९ जना सक्रिय संक्रमित छन्।
