काठमाडौं, २५ मंसिर । काठमाडौं उपत्यकामा थप ४०४ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा काठमाडौंमा ३२८ , ललितपुरमा ५१ र भक्तपुरमा २५ जनालाई कोरोना संक्रमण देखिएको हो । जसमा १६० महिला र २४४ पुरुष रहेका छन् ।
योसँगै उपत्यकामा एक लाख १४ हजार ४०९ जना व्यक्ति संक्रमित भएका छन्। काठमाडौंमा मात्र ९१ हजार ९०५ जना संक्रमित भएका छन्, जसमध्ये ४३२ जनाको मृत्यु भएको छ।
हालसम्म ८६ हजार ७२८ जना निको भएका छन्। ललितपुरमा १४ हजार १४३ जना संक्रमित भएका छन्। जसमा १२९ जना संक्रमितको मृत्यु भएको छ। ललितपुरमा १३ हजार ६४ जना निको भएका छन्।
भक्तपुरमा ८ हजार ३३१ संक्रमितमध्ये ९७ जनाको मृत्यु भएको छ। हालसम्म ७ हजार ८५२ जना निको भएका छन्।
