काठमाडौं । स्पेनिस ला लिगामा आज बार्सिलोना रेलिगेशन जोनमा रहेको लेभान्टेसंग भिड्दै छ ।
नेपाली समयानुसार राति १ः४५ बजेबाट सुरु हुने खेल बार्सिलोनाको लागि लिगको ११औं खेल हो ।
बार्सिलोनाको मैदान क्याप नोउ हुने उक्त खेलबाट घरेलु टोली आफ्नो लय सुधार्ने दाउमा छ ।
अहिलेसम्म बार्सिलोनाले खेलेको १० खेलमध्ये ४ खेलमा जित, २ खेलमा बराबरी र ४ खेलमा पराजित हुँदै १४ अंकसहित अंक तालिकाको नवौं स्थानमा छ ।
यस्तै ११ खेलेको लेभान्टे ११ अंकसहित १८औं स्थानमा छ ।
