काठमाडौं । आज छापावाल सुनको मूल्य प्रतिलोला ८०० रुपैयाँ बढेको छ ।
बिहिवार प्रतितोला ९३ हजार ५०० रुपैयाँमा कारोबार भएको छापावाल सुनको मूल्यमा आज ८०० रुपैयाँ बढ्दै प्रतितोला ९४ हजार ३०० रुपैयाँ कायम भएको नेपाल सूनचाँदी व्यवसायी महासंघले बताएको छ ।
शुक्रवार तेजावी सुनको मूल्य पनि प्रतितोला ८०० रुपैयाँ नै बढेको छ । आज तेजावी सुनको कारोबार मूल्य ९३ हजार ८५० रुपैयाँ कायम भएको छ ।
शुक्रवार चाँदीको मूल्य पनि प्रतितोला २५ रुपैयाँ बढ्यो । आज चाँदीको कारोबार मूल्य १२ सय ८० रुपैयाँ कायम भएको छ ।
