काठमाडौं । स्पेनिस क्लव बार्सिलोनाको मुख्य प्रशिक्षक रोनाल्ड कोइम्यानले बार्सिलोना स्पेनिस ला लिगाको उपाधिभन्दा धेरै टाढा रहेको बताएका छन् ।
मङ्गलबार राति बार्सिलोना इबरसँग १–१ गोलको बराबरीमा रोकिएपछि भएको पत्रकार सम्मेलनमा कोइम्यानले उक्त कुरा बताएका हुन् ।
‘सत्य भन्नुपर्दा बार्सिलोनाको लागि ला लिगाको उपाधि जित्न कठिन बनिसकेको छ’ कोइम्यानले भने, ‘लिगको उपाधिबाट हामी टाढा भइसकेका छौं । असम्भव केही पनि छैन तर दूरीको हिसाब जान्नुपर्छ । एथ्लेटिको लिगमा अब्बल देखिएको छ । उनीहरूले धेरै गोल खाएका छैनन् ।’
इबरसँग अंक बाढेको बार्सिलोना १५ खेलबाट ७ खेलमा जित, ४ खेलमा बराबरी र ४ खेलमा पराजय हुँदै २५ अङ्क सहित अंक तालिकाको छैटौं स्थानमा झरेको छ ।
