काठमाडौं, ५ चैत । नेपालमा थप १०७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको परीक्षणमा थप १०७ जनामा कोरोना संक्रमण पुष्टि भएको हो ।
यो सँगै कोरोना संक्रमितको संख्या २ लाख ७५ हजार ६२५ जना पुगेको छ । स्वास्थ्य मन्त्रालयका अनुसार ५२ जना कोरोनालाई जितेर अस्पतालबाट डिस्चार्ज भएका छन् ।
यो सँगै नेपालमा निको हुनेको संख्या २ लाख ७१ हजार ६१० जना पुगेको मन्त्रालयले जनाएको छ ।
संक्रिय संक्रमितको संख्या १ हजार रहेको छ । पछिल्लो २४ घण्टामा मृत्यु हुनेको संख्या १ जना रहेको छ । त्यो सहित कोरोनाबाट मृत्यु ३०१५ पुगेको छ ।
