काठमाडौं, ३१ बैशाख । प्रधानमन्त्री केपी शर्मा अोलीले पद तथा गोपनियताको शपग्रहण लिएका छन् ।
शुक्रबार दिउँसो राष्ट्रपति विद्यादेवी भण्डारीले प्रधानमन्त्री अोलीलाई पद तथा गोनियताको शपथग्रहण गराएकी हुन् ।
शपथ ग्रहण कार्यक्रममा मन्त्री, उपराष्ट्रपति, सभामुख, राष्ट्रियसभाका अध्यक्ष, प्रधानन्यायाधीशलगायत विभिन्न निकायका प्रमुख, सुरक्षा निकायका प्रमुखहरुको उपस्थिति रहेको थियो ।
ओलीलाई संविधानको धारा ७६ को उपधारा ३ अनुसार प्रतिनिधिसभाको सबैभन्दा ठूलो दलको संसदीय दलको नेताको हैसियतमा राष्ट्रपति भण्डारीले प्रधानमन्त्रीमा नियुक्त गरेकी हुन् ।
सोमबार संसदमा विश्वासको मत लिएका थिए । एमाले नेता माधव नेपाल समूहले प्रधानमन्त्रीको पक्षमा मत नदिएपछि उनले संसदबाट विश्वासको मत गुमाएका थिए ।
त्यसपछि स्वतः पदमुक्त भएका ओली दलहरूलाई बहुमतको सरकार बनाउन राष्ट्रपतिले दिएको तीन दिनको समयमा कसैको दाबी नपरेपछि पुनः प्रधानमन्त्री नियुक्त भएका हुन् ।
उनले पहिलो पटक २०७२ असोज २४ मा प्रधानमन्त्रीको पहिलो शपथ लिएका थिए । २०७४ फागुन ३ गते उनले प्रधानमन्त्री पदको दोस्रोपटक शपथ लिएका थिए । यो सँगै ओली नेपालको ४२ औँ प्रधानमन्त्री नियुक्त भएका छन् ।
